Суд і Пракуратура Баранавіч не жадаюць абараняць канстытуцыйныя правы грамадзян

23.06.2008. Тэгі: суды, скаргі, пракуратура, праваабаронцы, адмова.

У панядзелак суддзя Баранавічаў і Баранавічскага раёну Сельмановіч адмовіў мясцовым праваабаронцам Сяргею Гоўшу і Карнею Пятровічу ў задавальненьні скаргі на рашэньне пракуратуры аб абмове ў правядзеньні праверкі законнасьці падпісаньня “Обязательств по соблюдению ограничений, установленных законом Республики Беаларусь “О борьбе с коррупцией”. Гэтыя абавязацельствы аддзел адукацыі Баранавічскага гарвыканкама прымушае падпісваць настаўнікаў гарадскіх школ і выхавацеляў дзіцячых садкоў.

Як лічаць заяўнікі, падпісаньне такога дакументу ня мае ніякіх законных падстаў, паколькі парушае правы і свабоды значнай колькасьці гараджан, таму яны і звярнуліся ў Пракуратуру. Праваабаронцы адзначаюць, што падпісаньне “Обязательств…” праводзілася пад пагрозай прымяненьня санкцый. Як вынікае непасрэдна з гэтага тэксту: “неподписание данного обязательства влечет за собой увольнение с занимаемой должности, а невыполнене его служит основанием для привлечения меня к ответственности..” Менавіта гэты пукт супярэчыць артыкулу 58 Канстытуцыі Рэспублікі Беларусь, згодна з якім ніхто не можа быць прымушаны да адмовы ад сваіх правоў.

Такім чынам, і суд, і пракуратура Баранавіч адмовілі заяўнікам у праверцы скаргі, спасылаючыся на тое, што ў тых няма даверанасьці ад канкрэтных грамадзян на абарону іх правоў. На запытаньне Сяргея Гоўшы пад час судовага паседжаньня: “А калі я раптам буду сьведкам забойства і не маю ад яго даверанасьці на прадстаўленьне інтарэсаў, то вы адмовіцеся расьследаваць маю заяву?” На гэтую рэпліку памочніца пракурора прамармытала нешта зусім незразумелае.

Зараз праваабаронцы рыхтуюць адпаведную скаргу ў абласны суд