Будзь вольным!

2008 2008-06-19T15:20:50+0300 1970-01-01T03:00:00+0300 be

“Беларуская музычная альтэрнатыва” рыхтуе чарговы буйны рок-фестываль па-за межамі краіны, які будзе называцца “Be free!” Гэты фестываль ёсць свайго кшталту працягам мерапрыемства, якое прайшло летась ва ўкраінскім Луцку.

 

Падрабязнасці нашай праграме паведаміў кіраўнік “Беларускай музычнай альтэрнатывы” Віталь Супрановіч: “8-10 жніўня ў Львове адбудзецца фэст “Be free!” – “Будзь свабодным!”. Зараз гэты фэст знаходзіцца на падрыхтоўчым этапе, ужо ёсць дазвол львоўскіх уладаў на гэтыя даты, ёсць дазвол на пляцоўкі. Фестываль будзе цягнуцца два дні, будуць дзве сцэны – адна ў парку і адна на рынку, на Цэнтральнай плошчы. Плануецца ўдзел каля 15-20 гуртоў. Гэта яшчэ залежыць ад таго, з якога і да якога часу нам дазволяць гэтыя мерапрыемствы, бо гэта пакуль яшчэ ўзгадняецца”.

 

Па словах Віталя Супрановіча, арганізатары фестывалю ставяць перад сабою мэты “па-першае, дапамагчы беларускім гуртам, як вядомым, так і маладым, бо фестываляў не вельмі шмат у Беларусі, і нам здаецца, што трэба прапагандаваць беларускую музыку ў бліжэйшых краінах, у першую чаргу, у тых, што мяжуюць з Беларуссю – Польшча, Україна, Літва. Мы правялі той фестываль, мы хацелі паглядзець, што з гэтага атрымаецца, у прынцыпе, атрымалася даволі нядрэнна, таму ў гэтым годзе мы робім працяг”.

 

Нагадаем, што летась беларускія ўлады імкнуліся перашкодзіць аматарам беларускага року трапіць на фестываль “Права быць вольным”, два аўтобусы з беларускімі гледачамі былі спыненыя ў розных месцах, у выніку чаго больш за сотню меламанаў не змаглі атрымаць асалоду ад выстыпаў сваіх улюбёнцаў. Як гэта будзе сёлета, пакажа час. 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international