"Наша Ніва" заклікае выступіць супраць новага Закону аб СМІ

2008 2008-06-19T12:20:33+0300 1970-01-01T03:00:00+0300 be

Нэт без кантролю!

Прадстаўнікоў Беларускай асацыяцыі журналістаў не дапусьцілі да ўдзелу ў дыскусіі. Толькі адзін дэпутат прагаласаваў супраць. За — 93. Палата прадстаўнікоў за паўгадзіны прыняла ў першым чытаньні Закон аб СМІ. Над свабодным сецівам навісла пагроза. Канчатковае зацьвярджэньне закону прывядзе да пачатку кантролю за інтэрнэтам. Нельга, каб так сталася. Просім усіх да аднаго чытачоў NN.BY даслаць у Палату прадстаўнікоў лісты пратэсту супраць прыняцьця Закону пра СМІ. 

Вопыт мінулых гадоў і аналягічных рэжымаў кажа, што такія кампаніі маюць вялікі сэнс.

Зьмест лістоў можа быць адвольны. Абы толькі яны былі паважныя. Важна, каб прагучаў ясны пратэст супраць прынцыповых момантаў закону. Таму ў кожным лісьце просім напісаць прыкладна наступнае:

«Пратэстуем супраць прыняцьця новага Закону пра СМІ ў выглядзе, у якім ён прайшоў першае чытаньне. Пратэстуем супраць цынічнага патрабаваньня перарэгістрацыі СМІ пасьля прыняцьця Закону і пры кожнай зьмене адрасу. Пратэстуем супраць увядзеньня рэгістрацыі інтэрнэт-парталаў. Пратэстуем супраць перадачы функцый кантролю за інтэрнэтам раённым пракурорам і Савету міністраў. Ня можа быць устойлівага разьвіцьця без свабоды СМІ, інтэрнэту, крытыкі. Просім адклікаць Закон».

Дашліце гэты ліст проста зараз.

Адрас Палаты прадстаўнікоў: admin@house.gov.by

Копію старшыню адпаведнай камісіі: kulakovsky@house.gov.by

Яшчэ адну копію на: http://www.president.gov.by/by/press10650.html, праз акенца для зваротаў.

Тэма, прыкладна: Пратэст супраць праекту Закону аб СМІ.

На жаль, электронныя лісты ня ўлічваюцца ў дакумэнтазвароце. Таму, каб атрымаць адказ на свой зварот, Вам трэба раздрукаваць яго, пазначыць свой хатні адрас і адправіць яго звычайнай поштай, у адпаведнасьці з патрабаваньнямі Закону «Аб зваротах грамадзян». Зрабіце гэта, ласка.

Папяровія пісьмы кіруйце на адрас: 220010, Менск, вул.Савецкая, 11, Палата прадстаўнікоў.

Гэта — важна. Ад гэтага залежыць будучыня БелНэту, ды нашай з вамі нівы — нашай нацыі. Пашырце гэты зварот праз блогі, супольнасьці, сеткі. Далучыце да кампаніі абароны БелНэту міжнародныя супольнасьці і сеткі.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international