Беларускія літаратары едуць на Сусветны кангрэс пісьменнікаў

2008 2008-06-18T13:56:00+0300 1970-01-01T03:00:00+0300 be

Делегацыя Саюза беларускіх пісьменнікаў возьме ўдзел у Сусветным кангрэсе пісьменнікаў, які пачнецца 28 чэрвеня ў сталіцы Швецыі. У складзе дэлегацыі – Алесь Пашкевіч, Барыс Пятровіч, Уладзімір Някляеў і Алесь Ліпай.

 

Сусветны кангрэс пісьменнікаў “Wooltic – 2008” пройдзе ў Стакгольме з 28 чэрвеня да 2 ліпеня. Як адзначыў старшыня Саюза беларускіх пісьменнікаў Алесь Пашкевіч, гэта найбуйшейшы пісьменніцкі кангрэс, які праводзіцца пад патранажам ураду Каралеўства Швецыя. У ім будуць браць удзел каля тысячы пісьменнікаў розных кантынентаў: “Паколькі са Шведскім саюзам пісьменнікаў СБП ужо не адзін год мацуе творчыя кантакты, сувязі, дэлегацыя з Беларусі будзе адной з самых вялікіх – чатыры чалавекі. Для параўнання – з Украіны, Літвы запрошаныя па два дэлегаты, з Расійскай Федэрацыі прыедзе адзін чалавек.

 

У Стакгольме беларускія пісьменнікі ўжо пачуваюцца не гасцямі, яны не толькі адпачываюць у шведскім Доме творчасці на выспе Готланд, але і ладзяць літаратурныя выступы сумесна са шведскімі пісьменнікамі. Што, у прыватнасці, беларускія літаратары хочуць ад гэтага кангрэсу? Найперш, яшчэ больш шчыльна ўмацаваць стасункі з літаратарамі не толькі Швецыі, але і іншых краінаў, і маштабна прэзентаваць сучасную беларускую літаратуру, культуру на Сусветным пісьменніцкім форуме. З нашага боку з дакладам будзе выступаць Барыс Пятровіч. Будуць працы і ў асобных секцыях па розных праблемах, пачынаючы ад аўтарскіх правоў і заканчваючы свабодай творчага слова”.

 

Паводле Алеся Пашкевіча, за мяжой добра ведаюць, што ў краіне існуе яшчэ адзін – афіцыйны Саюз пісьменнікаў Беларусі: “Аб тым, што ў Беларусі існуюць дзве творчыя пісьменніцкія арганізацыі, ведаюць не толькі ў суседніх з Беларуссю краінах, але і ў далёкіх пісьменніцкіх арганізацыях. Ведаюць і ідэалагічныя нюансы стварэння іншага, альтэрнатыўнага Саюза пісьменнікаў Беларусі і тыя нялюдзкія ўмовы існавання Саюза беларускіх пісьменнікаў. У Стагольм і на іншыя пісьменніцкія форумы, па маіх звестках, аніводнага члена альтэрнатыўнага Саюза пісьменнікаў Беларусі не запрашалася. Такім чынам, гэтыя фестывалі яшчэ сведчаць і аб падтрымцы пісьменнікаў Еўропы, еўрапейскіх пісьменніцкіх арганізацыяў апальнага Саюза беларускіх пісьменнікаў”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international