Лябедзьку папярэдзілі за патрабаванне расследаваць пастаўкі зброі за мяжу

2008 2008-06-18T10:22:47+0300 1970-01-01T03:00:00+0300 be

Лідэра Аб'яднанай грамадзянскай партыі Анатоля Лябедзьку папярэдзілі аб адказнасці за заведама ілжывы данос у сувязі з яго патрабаваннем расследаваць праўдзівасць інфармацыі пра пастаўкі беларускай зброі ў Венесуэлу. Учора палітыка выклікалі ў Генпракуратуру.

Нагадаем, у траўні Лябедзька накіраваў зварот да генеральнага пракурора Рыгора Васілевіча з просьбай правесці расследаванне ў справе паставак беларускімі структурамі зброі калумбійскім паўстанцам. Пра гэта паведамляла замежная прэса, спасылаючыся на знойдзеныя ў забітага камандзіра калумбійскіх паўстанцаў дакументы. Іх праўдзівасць пацвердзіў Інтэрпол.

Паводле словаў Анатоля Лябедзькі, размова ў Генпракуратуры была дзіўнай, у яго склалася ўражанне, што следчы не ведаў, што з ім рабіць. Прапанаваў выбар: калі ліст Лябедзькі - гэта проста інфармацыя, дык Генпракуратура не абавязана на яе рэагаваць, але калі ён - заява, дык яго папярэдзяць. Палітык пагадзіўся на тое, каб яго зварот лічылі заявай, і падпісаў паперу аб адказнасці.

Лябедзька перакананы, што пракуратура мусіць праверыць інфармацыю, распаўсюджаную ў замежных СМІ, тым больш што ў нашай краіне існуе прадстаўніцтва Інтэрпола. Калі яна адпавядае сапраўднасці - сказаць, куды пайшлі грошы ад продажу зброі, калі не - праз еўрапейскія структуры патрабаваць абвяржэння.

БелаПАН

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international