У Брэсце адбыўся пікет супраць адмены дзіцячых ільготаў

2008 2008-06-02T18:26:46+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Каля трыццаці актывістаў брэсцкай апазіцыі правялі 1 чэрвеня пікет, прымеркаваны да Міжнароднага дня абароны дзяцей.

 

Пікет быў арганізаваны мясцовай кааліцыяй аб'яднаных дэмсіл (АДС) і праходзіў з 16.00 да 17.00 на брэсцкім стадыёне "Лакаматыў". Яго мэтай было прыцягнуць увагу грамадскасці да праблемы адмены ільготаў для дзяцей, якія згубілі сілу пасля прыняцця ў 2007 годзе закона "Аб дзяржаўных сацыяльных ільготах, правах і гарантыях для асобных катэгорый грамадзян". У рамках акцыі быў усталяваны тэматычны інфармацыйны стэнд, на якім можна было азнаёміцца з праблемай.

 

Як лічыць старшыня абласной арганізацыі Беларускай сацыял-дэмакратычнай партыі (Грамада) Ігар Маслоўскі, "пікет выканаў сваю задачу". Разам з тым у інтэрв'ю БелаПАН ён адзначыў, што акцыя мела б значна большы грамадскі рэзананс, калі б праводзілася ў людным месцы, а не ў сектары прыватных забудоў, дзе яна была дазволена гарвыканкамам.

Па словах І. Маслоўскага, пікет з'яўляецца часткай праграмы абласной кааліцыі АДС па абароне сацыяльных правоў грамадзян, рэалізацыя якой будзе працягнутая.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international