«Рэпарцёры без межаў» асуджаюць адмову ў акрэдытацыі карэспандэнту Радыё «Рацыя»

2008 2008-05-30T18:07:00+0300 1970-01-01T03:00:00+0300 be

Міжнародная арганізацыя «Рэпарцёры без межаў» выступіла з асуджэннем рашэння Міністэрства замежных справаў Беларусі, якое 28 траўня адмовіла ў акрэдытацыі карэспандэнту Радыё «Рацыя» Аляксею Мінчонку. Адпаведная заява з’явілася 30 траўня на сайце «Рэпарцёраў».

«Беларускія ўлады працягваюць пераслед Радыё „Рацыя“, аднаго з нешматлікіх незалежных СМІ ў Беларусі, — гаворыцца ў заяве. — Мы заклікаем да спынення гэтага адміністратыўнага пераследу, які матываваны выключна палітычнымі меркаваннямі».

Нагадаем, што карэспандэнт Радыё «Рацыя» — радыёстанцыі, якая вяшчае на тэрыторыю Беларусі з суседняй Польшчы — Аляксей Мінчонак звярнуўся па акрэдытацыю ў беларускі МЗС, але атрымаў адмову.

«Гэтае рашэнне з'яўляецца абсурдным. З аднаго боку, Міністэрства замежных спраў пераследуе нас за працу без акрэдытацыі, а з іншага боку — само працягвае адмаўляць нам у акрэдытацыі», — заявіў сп. Мінчонак у размове з прадстаўнікамі «Рэпарцёраў без межаў».

Нагадаем таксама, што офіс, у якім працавалі карэспандэнты Радыё «Рацыя» ў Мінску, стаў адным з памяшканняў, у якім супрацоўнікі КДБ правялі ператрус з выманнем тэхнікі сёлета 27 сакавіка.

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international