Актывісты няўрадавых арганізацыяў Беларусі пачынаюць рэалізоўваць супольны плян дзеяньняў па прасоўваньні прапановаў па зьменах у заканадаўства аб грамадзкіх аб’яднаньнях.

2005 2005-03-22T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Пра гэта паведамляе партал Асамблеі НДА www. belngo.info
Круглы стол, на якім абмяркоўваўся гэты плян, адбыўся 19 сакавіка. Ён стаўся чарговым крокам беларускіх НДА ў межах кампаніі па абароне сваіх інтарэсаў — “Наша Салідарнасьць”.

Нагадаем, што 10 сьнежня мінулага году ў межах кампаніі “Наша Салідарнасьць”, якую Асамблея НДА распачала ў 2003 г., у шырокім коле беларускіх арганізацыяў распачалося абмеркаваньне прапановаў па зьменах у заканадаўства аб грамадзкіх аб’яднаньнях. На круглым стале 19 сакавіка былі падведзеныя вынікі ў справе выпрацоўкі патрабаваньняў грамадзкіх актывістаў да заканадаўства і заканадаўцаў.

У галіне ўнясеньня зьменаў у заканадаўства грамадзкія актывісты заручыліся дапамогай у дэмакратычных дэпутатаў мясцовых саветаў. Мяркуецца, што сёньня будуць накіраваныя першыя звароты да дзейсных дэпутатаў палаты прадстаўнікоў Нацыянальнага сходу Рэспублікі Беларусь, а таксама будуць пададзеныя заявы на асабісты прыём да заканадаўцаў. Грамадзкія актывісты, абапіраючыся на аналіз беларускага заканадаўства, сьцьвярджаюць, што “існуючае нарматыўнае рэгуляваньне зьяўляецца перашкодай для рэалізацыі грамадзянамі права на свабоду асацыяцыяў у Беларусі, яно уступае ў канфлікт з міжнароднымі абавязальніцтвамі нашай краіны ў сфэры правоў чалавека”.

Прадстаўнікі грамадзкага сэктару называюць некалькі шляхоў, празь якія права на асацыяцыю ў Беларусі можа быць адноўленае. Сярод іх — прывядзеньне праваўжывальнай практыкі ў адпаведнасьць з патрабаваньнямі дзеючага заканадаўства і выключэньне з заканадаўства палажэньняў, якія перашкаджаюць стварэньню і дзейнасьці аб’яднаньня грамадзянаў. З прыкладным тэкстам звароту да дэпутата палаты прадстаўнікоў вы зможаце пазнаёміцца, прачытаўшы далучаны файл.

Таксама актывісты грамадзкага сэктару вырашылі зьвярнуцца ў Канстытуцыйны суд з прозьбай аб выкарыстаньні ўсёй паўнаты нададзеных яму паўнамоцтваў для аднаўленьня прававых гарантыяў рэалізацыі грамадзянамі Беларусі права на аб’яднаньне. Удзельнікі круглага стала прынялі зварот да міжнародных структураў з заклікам выказаць падтрымку патрабаваньням у справе лібэралізацыі прававога клімату для беларускіх НДА і давесьці іх да ведама ўраду нашай краіны.

Вынікі кампаніі па прасоўваньні зьменаў у заканадаўства аб грамадзкіх аб’яднаньнях Беларусі будуць падведзеныя напачатку лета бягучага году, калі адбудзецца падсумаваньне вынікаў асабістых сустрэчаў з дэпутатамі палаты прадстаўнікоў, а таксама пісьмовых зваротаў да заканадаўцаў і Канстытуцыйнага суду.
Алёна Андрэева

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international