Скаргу Сіўчыка не задаволілі

2008 2008-05-30T16:09:38+0300 1970-01-01T03:00:00+0300 be

30 траўня Мінскі абласны суд адмовіў у задавальнні скаргі, якую накіраваў ва ўстанову вядомы грамадскі дзеяч Вячаслаў Сіўчык. У сваім лісце актывіст скардзіўся на незаконнасць вынесенага яму яшчэ 23 красавіка ў Старых Дарогах прысуду за тое, што Сіўчык і яшчэ некалькі грамадскіх дзеячаў усталявалі ў вёсцы Дражна крыж Еўфрасінні Полацкай.

У вёсцы Дражна Старадарожскага раёну 15 красавіка 1943 года партызанамі былі знішчаныя ні ў чым не вінаватыя мясцовыя жыхары. Нагадаць пра гэтыя падзеі і было галоўнай мэтай мерапрыемства. Аднак улады палічылі гэты ўчынак несанкцыянаваным мітынгам. І асудзілі Вячаслава Сіўчыка на 15 сутак арышту. Разам з ім аналагічны прысуд атрымаў і вядомы публіцыст Віктар Хурсік. А крыж Еўфрасінні Полацкай улады тэрмінова дэмантавалі.

Яшчэ 23 красавіка Вячаслаў Сіўчык накіраваў скаргу ў абласны суд, але нейкім чынам яна згубілася і не дайшла да адрасату. Тым часам актывіст адседзеў увесь тэрмін і 15 траўня выйшаў на волю. І накіраваў новую скаргу, якую сёння суд адмовіўся задаволіць.

Сам спадар Сіўчык сёння сустракаў у Старых Дарогах Віктара Хурсіка, які выйшаў на волю пасля 15 сутак арышту. Актывісты зноў наведалі вёску Дражна, а таксама Залужжа, дзе ў царкве зараз знаходзіцца дэмантаваны крыж.

Як паведаміў Сіўчык Рацыі, увесь час іх аўтамабіль суправаджаюць супрацоўнікі міліцыі, аднак ніякіх дзянняў супраць актывістаў міліцыянты не прадпрымалі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international