Эдварда Баланчука зноў “трэсьлі” на мяжы

2008 2008-05-27T00:14:58+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У панядзелак, 26 траўня на мытным пераходзе Камены лог другі раз за месяц затрымалі маладэчанскага правабаронцу Эдварда Баланчука. Мытнікі правялі асабісты дагляд і агляд аўтамабіля, аднак нічога забароненага не знайшлі.

 

Нагадваем, што 1 траўня сябра БХК Баланчук затрымліваўся на мяжы ў Бярэсьці, дзе праваабаронцу трымалі больш за дзесяць гадзінаў, пры гэтым забралі наяўныя грашовыя сродкі быццам бы на праверку. У гэты раз абышлося дзьвума з паловай гадзінамі. А кішэнная дробязь не прывабіла мытнікаў, якія, пад час дагляду перыядычна с кімсьці раіліся па тэлефоне.

 

Пасьля затрыманьня ў Бярэсьці праваабаронца накіраваў скаргі Генеральнаму пракурору краіны і адначасова кіраўніку Мытнага камітэта.

Аднак, як паведаміў Эдвард Баланчук, гэтая перапіска працягнецца, паколькі ён лічыць, што падобныя дзеяньні супрацоўнікаў мытні з’яўляюцца праявай пераследу і ўціску з боку улады за ягоную праваабарончую дзейнасьць.

Паводле прэс-службы БХК

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international