Суд папярэдзіў актывіста за памяць пра Чарнобыль

2008 2008-05-21T11:30:10+0300 1970-01-01T03:00:00+0300 be http://spring96.org/files/images/sources/rusecki.jpg
Сяржук Русецкі

Сяржук Русецкі

Суд Бярозаўскага раёну Берасьцейскай вобласьці 20 траўня разгледзеў адміністрацыйную справу актывіста Партыі БНФ праваабаронцы Сяргея Русецкага. Яго прызналі вінаватым ва ўчыненьні правапарушэньня па ч. 1 арт. 23.34 КоАП (удзел у несанкцыянаваным мерапрыемстве) і вынесьлі папярэджаньне.

Агенцтва БелаПАН паведамляе, што супрацоўнікі міліцыі затрымалі актывіста 26 красавіка каля 22.10 пасьля ўдзелу ў "гадзіне памяці", прысьвечанай чарговай гадавіне аварыі на Чарнобыльскай АЭС. Акцыя праходзіла на цэнтральнай плошчы Бярозы, куды прыйшло больш як 20 чалавек, якія моўчкі з 21 да 22 гадзін прастаялі з запаленымі памінальнымі сьвечкамі. Пасьля затрыманьня актывіста даставілі ў Бярозаўскі РАУС, дзе ў яго забралі рэшткі сьвечак і склалі пратакол.

"Я ня згодны з такім рашэньнем суду, бо лічу, што ў маіх дзеяньнях няма складу адміністрацыйнага правапарушэньня. У тым, што адбывалася на плошчы, з пункта гледжаньня заканадаўства няма прыкметаў пікетаваньня", — заявіў актывіст у інтэрвію БелаПАН.

С.Русецкі не выключае, што можа абскардзіць рашэньне суду Бярозаўскага раёну ў абласной інстанцыі

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international