viasna on patreon

АМАП разагнаў акцыю салідарнасьці ў Салігорску

2008 2008-05-19T15:29:19+0300 1970-01-01T03:00:00+0300 be

У Салігорску ў Дзень Салідарнасьці моладзевыя актывісты выйшлі на галоўную плошчу горада, каб выказаць падтрымку зьняволеным Андрэю Кіму, Сяргею Парсюкевічу і Аляксандру Казуліну.

Моладзі нават ня далі разгарнуць партрэты Вязьняў сумленьня, як акцыю пачаў разганяць АМАП. Падчас разгону было затрымана 5 чалавек, сярод якіх апынуліся адзін зь лідэраў Салігорскага Маладога Фронту Іван Шыла з бацькамі, актывіст прадпрымальніцкага руху Аляксандр Цацура зь зяцем.

Празь некаторы час усіх адпусьцілі без складаньня пратаколаў. Тым часам салігорская маладафронтаўка Хрысьціна Самойлава арганізавала адзіночны пікет: яна прастаяла на цэнтральнай плошчы з партрэтамі палітвязьняў каля 20 хвілін.

Апошнія навіны

Партнёрства

Сяброўства