У Віцебску аштрафаваны Сяргей Каваленка

2008 2008-05-14T18:57:41+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

На 30 базавых велічыняў аштрафаваў судзьдзя Чыгуначнага райсуду Віцебску Ўладзіслаў Шыкароў актывіста КХП Сяргея Каваленку па ч. 3 арт. 23.34 КаАП (Парушэньне парадку арганізацыі і правядзеньня масавых мерапрыемстваў) за ўдзел у Чарнобыльскай акцыі 26-га красавіка.

Дэмакратычны актывіст быў прызнаны віноўным за тое, што на ўгодкі чарнобыльскай катастрофы выйшаў на плошчу Свабоды ў цэнтры гораду з бел-чырвона-белым сьцягам. Ён здолеў прайсьці з ім некалькі метраў, як быў затрыманы супрацоўнікамі міліцыі. Амаль двое сутак Сяргей Каваленка ўтрымліваўся ў ізалятары часовага ўтрыманьня. Судовае паседжаньне пачалося 28-га красавіка, аднак актывіст заявіў хадайніцтва аб удзеле ў судовым працэсе перакладчыка, якое было задаволенае, таму суд быў адкладзены.

Сёньня падтрымаць Сяргея Каваленку ў судзе прыйшлі ягоныя родныя, сябры і моладзевыя актывісты. Працэс працягваўся ня больш за 15 хвілін, і напрыканцы судзьдзя Шыкароў зачытаў падрыхтаваную загадзя пастанову.

Нагадаем, што зусім нядаўна за ўдзел у сьвяткаваньні 90-годзьдзя утварэньня БНР Сяргей Каваленка быў пакараны 10 суткамі адміністратыўнага арышту.  

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international