Сяргею Парсюкевічу неабходна аперацыя

12.05.2008. Тэгі: палітвязьні, здароўе, умовы ўтрыманьня.

Віцебскаму прадпрымальніку Сяргею Парсюкевічу, які цяпер знаходзіцца ў Жодзінскім СІЗА, неабходная аперацыя ў сувязі з паліпозам. Пра гэта БелаПАН паведаміла адвакатка палітвязьня Вера Страмкоўская, якая з Сяргеем Парсюкевічам 3 траўня. Яна адзначыла, што палітвязень дрэнна сябе адчувае, і дзякуе ўсім, хто яго падтрымлівае.

Па яе словах, асуджаны ўжо напісаў заяву пра датэрміновы, да ўступленьня прысуду ў законную сілу, перавод са сьледчага ізалятару ў калонію, бо толькі адтуль яго могуць накіраваць на аперацыю ў лякарню.

Нагадаем, што 23 красавіка суд Маскоўскага раёну сталіцы асудзіў Сяргея Парсюкевіча на два з паловай гады пазбаўленьня волі з адбывцьцём пакараньня ў калоніі агульнага рэжыму. Яго абвінавацілі ў зьбіцьці супрацоўніка Цэнтру ізаляцыі правапарушальнікаў Аляксандра Дулуба падчас адбыцьця адміністратыўнага арышту за ўдзел у студзеньскім мітынгу прадпрымальнікаў, нягледзячы на тое, што менавіта гэты міліцыянт зьбіў арыштаванага.