“Ленінскі кліч” супраць крычаўскіх апазыцыянэраў

2008 2008-05-08T15:15:20+0300 1970-01-01T03:00:00+0300 be

Калегія Магілёўскага абласнога суду пакінула ў сіле пастанову Чавускага суду аб правядзеньні лінгвістычнай экспэртызы гумарэсак, якія друкавала газэта Крычаўскага райвыканкаму “Ленінскі кліч”. Пастанову судзьдзі Алены Каралько намагалася ў прыватным парадку абскардзіць рэдактарка крычаўскай раёнкі Тацяна Іўкіна.

Паводле скаржніцы, экспэртыза судзьдзёй была прызначаная неабгрунтавана, бо ў гумарэсках усе пэрсанажы нібыта выдуманыя, а іх супадзеньні з рэальнымі людзьмі -- выпадковыя.

Гумарэскі “Ленінскага клічу” сталіся нагодай для грамадзянскай справы аб абароне гонару, годнасьці й дзелавой рэпутацыі.

Паводле пазоўнікаў, рэдактара недзяржаўнай крычаўскай газэты “Вольны горад” Сяргея Няроўнага й заснавальніка гэтага выданьня Ўладзімера Кудраўцава, у гумарэсках у зьняважлівай форме апісвалася дзейнасьць крычаўскіх апазыцыйных палітыкаў, грамадзкіх актывістаў ды журналістаў недзяржаўных выданьняў. Прозьвішчы пэрсанажаў скажаліся да зьняважлівых мянушак, у якіх пазнаваліся канкрэтныя людзі й факты з іхнага асабістага жыцьця.

Праз суд Няроўны й Кудраўцаў намагаюцца спагнаць з адказьнікаў 10 мільёнаў рублёў кампэнсацыі за маральную шкоду.

Адказьнікамі ў судзе выступаюць рэдактарка “Ленінскага клічу” Тацяна Іўкіна, яе намесьнік Уладзімер Далецкі, а таксама карэспандэнты выданьня Аляксандар Гаўрыленка ды Аляксей Іваноў. Суд вызначыў, што менавіта яны гумарэскі й пісалі.

6 сакавіка Чавускі суд прыпыніў разгляд справы й накіраваў шаснаццаць гумарэсак на лінгвістычную экспэртызу. Яе павінна правесьці кандыдат філялягічных навук Аксана Шчарбакова.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international