Сяргея Парсюкевіча перавялі ў жодзінскі следчы ізалятар

2008 2008-05-03T13:56:54+0300 1970-01-01T03:00:00+0300 be

Асуджанага віцебскага прадпрымальніка Сяргея Парсюкевіча 2 мая перавялі ў следчы ізалятар Жодзіна (Смалявіцкі раён). Пра гэта БелаПАН паведаміла яго адвакат Вера Страмкоўская.

Паводле слоў адваката, перавод звязаны з рамонтам следчага ізалятара ў Мінску. В.Страмкоўская праінфармавала, што стан здароўя прадпрымальніка здавальняючы. «Усе лекі, якія яму неабходныя, сваякі перадалі», — сказала яна. Раней гаварылася пра тое, што С.Парсюкевіча пакладуць у бальніцу, аднак, паводле слоў адваката, «вострай неабходнасці пакуль у гэтым няма».

С.Парсюкевіч быў асуджаны на два з паловай гады пазбаўлення волі з адбываннем пакарання ў калоніі агульнага рэжыму за збіванне супрацоўніка мінскага цэнтра ізаляцыі правапарушальнікаў Аляксандра Дулуба. Суд адбыўся 23 красавіка. Сам прадпрымальнік віну не прызнаў і 28 красавіка накіраваў у Мінскі гарадскі суд скаргу на рашэнне суда Маскоўскага раёна сталіцы. Разам з адвакатам В.Страмкоўскай яны адзначылі «тэндэнцыйнасць, як у працэсе расследавання, так і ў прадстаўленні гэтай справы суду». Напрыклад, суд не прызнаў паказанні сведак з боку абароны і не звярнуў увагі на супярэчнасці ў паказаннях сведак з боку абвінавачання.


Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international