Палітык Мікалай Статкевіч арыштаваны на 10 сутак

2008 2008-05-02T14:54:58+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Такое рашэньне прыняў судзьдзя Першамайскага суду сталіцы Юры Гарбатоўскі на падставе арт. 23.34 КаАП - Парушэньне парадку арганізацыі і правядзеньня масавых мерапрыемстваў. На судзе лідэр аргкамітэту па стварэньні сацыял-дэмакратычнай партыі “Народная грамада” Мікола Статкевіч адмовіўся даваць паказаньні. Ён заявіў Радыё Свабода, што ня хоча ўдзельнічаць у сьпектаклі, фінал якога загадзя вядомы і расьпісаны кімсьці зьверху. Як пракаментаваў Радыё Рацыі палітык, суткі яму далі “за несанкцыянаваны мітынг на санкцыянаваным мітынгу”.

Нагадаем, што 1 траўня каля будынкаў Нацыянальнай бібліятэкі, дзе праходзіла афіцыйнае сьвяткаваньне Першамаю былі затрыманыя і дастаўленыя ў Першамайскі РУУС каля трыццаці моладзевых дэмакратычных актывістаў. Міколу Статкевіча затрымалі пасьля таго, як ён выступіў перад прысутнымі і павіншаваў людзей са сьвятам працы. У пастарунку на яго, а таксама Артура Фінькевіча, Зьмітра Дашкевіча, Зьмітра Хведарука, Паўла Юхневіча і Яўгена Афнагеля склалі адміністратыўныя пртаколы за ўдзел у несанкцыянаванай (!) акцыі. Усіх праз некалькі гадзінаў адпусьцілі, ўзяўшы распіскі, што "правапарушальнікі" па позвах прыйдуць у суд, акрамя сп.Статкевіча. Ноч палітык правёў на Акрэсьціна.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international