Консул ЗША: амерыканскага адваката збілі ў турме КДБ Беларусі

30.04.2008. Тэгі: зьняволеныя, гвалт, умовы ўтрыманьня.
Крыніца: Радыё "Рацыя".

Консул Злучаных Штатаў Амерыкі Кэралайн Сэвэдж паведаміла, што арыштаваны ў Мінску амерыканскіх грамадзянін адвакат Эмануілам Зэльцэр быў збіты на другі і трэці дзень затрымання.

Па словах консула, такія звесткі яна атрымала ад самога арыштаванага адваката. Па выніку наведвання турмы консул накіравала справаздачу ў Вашынгтон, паведаміў Тэлеграф.

Дзярждэп ЗША звярнуўся да ўлад Беларусі з "настойлівым заклікам" вызваліць грамадзяніна ЗША адваката Эмануіла Зэльцэра "па гуманных меркаваннях". Па словах супрацоўнікаў амерыканскай амбасады ў Беларусі, затрыманы амерыканскі юрыст вельмі дрэнна сябе адчувае. У дыпмісіі надзвычай занепакоеныя станам яго здароўя і ўмовамі ўтрымання.

Консул Злучаных Штатаў у Беларусі Кэралайн Сэвэдж заявіла пасля сустрэчы з затрыманым амерыканцам, што ЗША "сур'ёзна занепакоеныя" станам яго здароўя. Па яе словах, Эмануіл Зэльцэр за час знаходжання ў КДБ Беларусі моцна схуднеў і вельмі саслаб.