Моладзь БНФ правяла акцыю абароны помніка Максіма Багдановіча

30.04.2008. Тэгі: акцыі, культура, моладзь БНФ.
Крыніца: Прэс-служба Партыі БНФ.

29 красавіка моладзевыя актывісты Партыі БНФ зладзілі ў сталіцы акцыю пратэсту супраць дэмантажу помніка Максіма Багдановіча ў сквэры Нацыянальнага Тэатра Опэры і Балету.

Каля 50 чалавек сабраліся ў сквэры Янкі Купалы. Акцыю аздобілі 300 чырвоным тульпанаў, фотавыявы помніка Максіма Багдановіча, гукі дуды пана Ськіргайлы-Палянэцкага і ... сапраўдны Максім Багдановіч, які чытаў свае вершы, распытваў людзей, што здарылася з помнікам.

Людзі прайшлі да месца, дзе раней знаходзіўся помнік, засьпявалі песьні на вершы паэта, запалілі сьвечкі і ўсклалі тульпаны да агароджы вакол месца, дзе стаяў помнік. Перад прысутнымі выступіў старшыня Таварыства аховы помнікаў Антон Астаповіч.

Акцыю суправаджалі 7 супрацоўнікаў КДБ у цывільным. Непадалёку знаходзіўся аўтазак.