Палітычная налепка як летапіс беларускага супраціву

2008 2008-04-28T15:35:12+0300 1970-01-01T03:00:00+0300 be http://spring96.org/files/images/sources/plakat_1.jpg
Выстава палітычнай налепкі

Выстава палітычнай налепкі

Увечары ў пятніцу ў сядзібе Партыі БНФ адкрылася незвычайная выстава палітычных налепак. Усе, хто пажадае наведаць экспазіцыю, змогуць на свае вочы пабачыць гісторыю беларускага супраціву з 1996 па 2008 год. Пакуль у калекцыі крыху больш за сто налепак, якія нагадваюць пра тое, як праходзілі прэзідэнцкія выбарчыя кампаніі 2001 і 2006 гадоў, як ладзіліся буйныя пратэстныя акцыі апазіцыі – “Чарнобыльскі шлях” ці “Еўрапейскі марш”.

Шэраг налепак маюць сатырычны падтэкст. Прыкладам, на іх можна пабачыць пацалунак Аляксандра Лукашэнкі з Барысам Ельцыным, пазнаёміцца з цікавым персанажам – тэлепузікам Лу-лу, які вельмі нагадвае аднаго вядомага беларускага палітыка з вусамі, а таксама высветліць, як выглядае знакаміты “чарнобыльскі вожык”.

Паводле аднаго з арганізатараў выставы Франака Вячоркі, сабраць экспазіцыю было досыць проста – дастаткова было кінуць кліч сярод актывістаў. Аднак ёсць і цяжкасці. Справа ў тым, што многія прыватныя калекцыі налепак, якія гадамі збіралі дэмакратычныя актывісты, былі канфіскаваныя супрацоўнікамі праваахоўных органаў падчас ператрусаў. Таму кожнаму, хто дадасць да экспазіцыі новую налепку арганізатары абяцаюць выдаць адмысловы дыплом.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international