Уладзімір Кішкурна аштрафаваны за чарнобыльскія ўлёткі

25.04.2008. Тэгі: суды, адміністратыўная справа, штрафы, свабода слова, масавае мерапрыемства.

25 красавіка суд Мінскага раёну прызнаў актывіста Партыі БНФ Уладзіміра Кішкурну віноўным у правапарушэньні, прадугледжаным арт. 23.34 КаАП РБ, і пакраў штрафам у памеры 15 базавых велічыняў.

Уладзімір Кішкурна быў затрыманы на ўласнай машыне 21 красавіка ў райне Калядзічаў. Міліцыянты дагледзелі аўтамабіль і знайшлі ўлёткі, прысьвечаныя з апланаванай акцыі. У пастарунку ў дачыненьні да партыйнага актывіста склалі адміністратыўны пратакол, друкаваную прадукцыю канфіскавалі.

Нагадаем, што Менгарвыканкам зьмяніў прапанаваны заяўнікамі маршрут акцыі і дазволіў сабраць удзельнікаў шэсьця 26 красавіка а 14.00 каля будынку Акадэміі навук.

Заяўнікі «Чарнобыльскага шляху» адмовіліся ад правядзеньня мітынгу на сталічнай плошчы Бангалор. Такое рашэньне было прынята 22 красавіка на паседжаньні аргкамітэту "Чарнобыльскага шляху". З Акадэміі навук плануецца шэсьце па вуліцы Сурганава да храму «Спатоля загінулых» на скрыжаваньні вуліц Карастаянавай і Арлоўскай. Каля царквы будзе аб’яўлена хвіліна маўчаньня.

„Чарнобыльскі шлях” адбудзецца пад знакам пратэсту супраць будовы ў Беларусі атамнай электрастанцыі, а таксама адмены льготаў ліквідатарам і ахвярам катастрофы ў Чарнобылі.