У Рэчыцы арыштаваны актывіст аб`яднаньня прадпрымальнікаў “Персьпектыва” Леанід Невар

2005 2005-02-28T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Паводле Радыё Свабода
У мінулыя выходныя Леанід Невар хацеў паінфармаваць дробных бізнэсоўцаў Рэчыцы аб перамовах з уладамі наконт увядзеньня падатку на даданую вартасьць.

На вуліцы Чырвонаармейскай міліцыянты заблякавалі мікрааўтобус “Фіят”, у якім ехаў Леанід Невар са сваёю жонкаю. Фармальнай зачэпкай сталася адсутнасьць на кузаве дубляванага нумару дзяржаўнай рэгістрацыі мікрааўтобуса. Спадар Невар пагаджаўся падпісаць адпаведны пратакол парушэньня, але мікрааўтобуса не пакінуў.

Пад кіраўніцтвам начальніка Уладзімера Манжоса рэчыцкія міліцыянты дасталі зь мікрааўтобуса задняе шкло. Жонка Леаніда Невара спрабавала клікаць людзей на дапамогу. Аднак міліцыянты ўсё адно гвалтам арыштавалі Леаніда Невара, абвінаваціўшы яго ў закліку да масавых беспарадкаў.

Мінулую ноч прадпрымальнік правёў у адзіночнай камэры ізалятара часовага ўтрыманьня. Ад адваката родныя даведаліся сёньня, што ўначы ў спадара Невара былі сардэчныя прыступы, тры разы прыязджала хуткая дапамога.

У Рэчыцкім судзе прызначаны разгляд адміністрацыйнай справы супраць арыштаванага прадпрымальніка Невара. Яго абвінавачваюць ужо у дробным хуліганстве і непадпарадкаваньні міліцыі. Пакараньне паводле гэтых абвінавачваньняў прадугледжвае штраф альбо арышт да 15 сутак.

У Рэчыцы прадпрымальнікі лічаць, што ізаляцыя Леаніда Невара наўпрост
зьвязаная з заўтрашнім страйкам прадпрымальнікаў супраць увядзеньня падатку на даданую вартасьць ды іншымі дыскрымінацыйнымі мерамі ў дачыненьні дробных бізнэсоўцаў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international