У Магілёве затрыманы чарнобылец Мікалай Расюк

2008 2008-04-25T17:37:24+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Сёньня ў Магілёве быў затрыманы перасяленец з Чарнобыльскай зоны актывіст сацыял-дэмакратычнай партыі Грамада Мікалай Расюк.  

Напярэдадні ён зьвяртаўся ў гарвыканкам з прозьбай, каб выступіць на афіцыйным мітынгу, прысьвечанаму ўгодкам аварыі на Чарнобыльскай АЭС, і атрымаў абяцаньне на кароткі выступ каля 5 хвілінаў. Мікалай Расюк хацеў выступіць супраць будаўніцтва АЭС. Аднак на падыходзе да месца правядзеньня мерапрыемства, дэмакратычны актывіст быў затрыманы міліцыянтамі. Пры асабістым даглядзе ў яго знайшлі кнігі Сьвятланы Алексіевіч і бел-чырвона-белы шалік. Акрамя таго, сп.Расюк нёс з сабой вянок, на стужках якога было напісана “Ад аб’яднанай дэмакратычнай апазіцыі Магілёва”.

Міліцыянты даставілі чарнобыльца ў Кастрычніцкі РАУС Магілёва і адпусьцілі, калі мітынг ужо быў скончаны. Прычыну затрыманьня міліцыянты так і не назвалі. Сам Мікола Расюк лічыць, што гэта было зроблена, каб пазбавіць яго выступу.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international