Дырэктара зачыненай друкарні не выпускаюць за мяжу

28.02.2005.

25 лютага суд Савецкага раёну г.Гомеля абмежаваў выезд за межы краіны былога дырэктара друкарні “Іосіфа і Адзеда” Юліі Марчанкі, дачкі былога кандыдата ў дэпутаты Таццяны Марчанкі. Ю.Марчанка была аштрафаваная на суму больш за 40 млн. рублёў (патрэбаю выплаты штрафу і матываваная забарона на выезд за мяжу). 2 снежня мінулага года суд Чыгуначнага раёну г.Гомеля пастанавіў аштрафаваць на 30 базавых велічынь (720 тысяч рублёў) друкарню “Іосіфа і Адзеда” і канфіскаваць яе абсталяванне. Падставай для судовага разгляду быў выраб пробнай партыі прадукцыі мэтадам шоўкаграфіі. Гэты від дзейнасці не быў пазначаны ў ліцэнзіі, атрыманай друкарняй. (БАЖ)

Дадаць камэнтар

Камэнтары