Навукоўцы супраць АЭС

2008 2008-04-22T11:06:51+0300 1970-01-01T03:00:00+0300 be

Аргкамітэт руху «За бязьядзерную Беларусь» створаны 21 красавіка ў Менску на пасяджэньні групы вучоных, якія 9 сакавіка ініцыявалі стварэньне руху. У аргкамітэт увайшлі вучоныя Ягор Фядзюшын, Юрый Варонежцаў, Георгій Лепін, Іван Нікітчанка і інш.

Як зазначыў дырэктар інстытуту гуманітарных і экалягічных тэхналёгій Міжнароднай акадэміі інфармацыйных тэхналёгій кандыдат тэхнічных навук Ягор Фядзюшын, аргкамітэт будзе рабіць усё, каб «дастукацца да розуму ўсіх чыноўнікаў». Паводле меркаваньня вучонага, будаўніцтва атамнай электрастанцыі ў Беларусі нельга дапусьціць.

«За ўвесь час спрэчак, будаваць ці не АЭС, ніхто ніякіх даных і эканамічнага абгрунтаваньня ў абарону атамнай энэргетыкі не прывёў», — заявіў Я.Фядзюшын.

На пасяджэньні прынята адозва да вучоных Беларусі і іншых краін. У ёй зазначана, што «краінай, найбольш пацярпелай ад так званага мірнага атаму, зьяўляецца Беларусь». Таму вучоныя выступаюць за недапушчальнасьць разьмяшчэньня на тэрыторыі краіны ядзернай зброі і яе элемэнтаў, будаўніцтва АЭС і захоўваньня ядзерных адходаў.

«Беларусь разьмешчана ў самым цэнтры Эўропы і можа зьяўляцца прыкладам для многіх краін сьвету ў стварэньні бясьпечных умоў пражываньня для народу. Вучоныя ўскладаюць на сябе асаблівую адказнасьць за бясьпечныя ўмовыя пражываньня людзей», — гаворыцца ў адозьве.

Вучоныя прынялі таксама рашэньне ўдзельнічаць у «Чарнобыльскім шляху — 2008», што пройдзе 26 красавіка.

На пасяджэньні прысутнічалі прадстаўнікі пасольства Ўкраіны ў Беларусі.

Паводле: Натальля Кароткая, БелаПАН

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international