Менгарвыканкам зьмяніў прапанаваны заяўнікамі маршрут "Чарнобыльскага шляху"

22.04.2008. Тэгі: акцыі, масавае мерапрыемства.
Крыніца: Прэс-служба Партыі БНФ.

21 красавіка адбыліся перамовы заяўнікаў Чарнобыльскага Шляху з прадстаўнікамі Менгарвыканкаму Генадзем Курбекам, пракурорам Аляксеем Стукам і намесьнікам кіраўніка аддзела грамадзкай бясьпекі Мельнікам. Дэлегацыя заяўнікаў адмовілася пачынаць перамовы, пакуль іх здымае невядома тэлебачаньне. Відэакамэра была прыбраная.

Атрыманы дазвол на правядзеньне шэсьця па маршруце Акадэмія навук - парк Дружбы народаў зь месцам збору каля Акадэміі навук у 14:00. Ісьці дазволена па ходніках.

"Мы паведамілі прадстаўнікам Менгарвыканкаму, што будзем мець канчатковае рашэньне адносна маршруту заўтра, пасьля правядзеньня паседжаньня Аргкамітэту Чарнобыльскага шляху", - паведаміў адзін з зяўнікаў шэсьця, адказны сакратар Управы Партыі БНФ Уладзімер Лабковіч.

Кожнаму з заяўнікаў было ўручана афіцыйнае папярэджаньне аб адказнасьці. Падпісваць яго заяўнікі адмовіліся.