У адносінах былога кандыдата у дэпутата ад АГП Аляксандра Цынкевіча ўзбуджаная крымінальная справа па факце паклёпа ў адносінах прэзідэнта па прыкметах злачынства, прадугледжанага ч.2 с.367 Крымінальнага Кодэкса Рэспублікі Беларусь.

24.02.2005.

1 лютага пракурор Цэнтральнага раёну г.Мінска Хадатовіч В., разгледзеўшы матэрыялы, якія паступілі з Цэнтральнай камісі Рэспублікі Беларусь па выбарах і правядзеньню рэспубліканскіх рэферэндумаў, пастанавіў узбудзіў крымінальную справу па факце паклёпу на прэзідэнта. Інфармацыя тычылася зьместу агітацыйных улётак, якія распаўсюджвалі кандыдаты.

24 лютага Цынкевіч быў выкліканы ў пракуратуру да сьледчага Мікалаева А.А. які спрабаваў правесьці допыт ў якасьці “сьведкі”. Справа ў тым, што сьведка ў адрозьненьне ад падазраваемых не можа адмовіцца ад дачы паказаньняў. Пра гэта Цынкевіч і быў папярэджаны сьледчым. Аднак Цынкевіч, адмовіўся ад адказаў на пытаньні сьледчага ў адпаведнасці з арт. 27 Канстытуцыі Рэспублікі Беларусь, які гарантуе права не даваць паказаньні супраць сябе.

А.Цынкевіч не выключае, што ён будзе прыцягнуць ў якасьці падазраваемага ці абвінавачваемага па дадзенай крымінальнай справе.

Дадаць камэнтар

Камэнтары