У Віцебску затрымалі трох непаўнагадовых актывістак Моладзі БНФ
18.04.2008.
Тэгі: затрыманьні, Дзень салідарнасьці.
Крыніца: Прэс-служба Партыі БНФ.
16 красавіка на галоўнай плошчы Віцебска былі затрыманыя тры актывісткі Моладзі БНФ - Юля Міхайлава, сёстры Хрысьціна і Віка Чыж. Дзяўчат затрымалі супрацоўнікі міліцыі, калі тыя бралі ўдзел у акцыі салідарнасьці, што адбываецца 16 чысла кожнага месяца.
Акцыя была арганізаваная Моладзьдзю БНФ, Маладым фронтам і БСДП (Народная грамада). Удзельнікі стаялі шэрагам на плошчы, трымаючы ў руках партрэты палітвязьняў Аляксандра Казуліна, Сяргея Парсюкевіча, Андрэя Кіма. Акцыя працягнулася 15 хвілін.
Старшыня гарадзкой Віцебскай арганізацыі Партыі БНФ Уладзіслаў Токараў выказаў спадзяваньне, што затрыманых дзяўчат неўзабаве адпусьцяць: "Яны ўсе непаўнагадовыя, таму іх павінны выпусьціць. Аднак тое, што міліцыянты затрымліваюць непаўнагадовых дзяўчат, выклікае абурэньне".
Дзяўчат трымалі ў пастарунку больш за тры гадзіны. Пасьля затрыманыя былі адпушчаныя. Справы накіраваныў у камісію па справах непаўнагадовых.
Навіны па тэме
02.10.2008 Сустаршыня аргкамітэту БХД Віталь Рымашэўскі “затрымаў” вылет самалёта на 20 хвілінаў
29.09.2008 Пераслед актывістаў пасьля мітынгу 28 верасня
28.09.2008 У Мінску пачаліся першыя затрыманні
28.09.2008 Наваполацк: беспадстаўнае затрыманне моладзевых актывістаў
28.09.2008 Начныя затрыманьні ў Наваполацку
Дадаць камэнтар
Камэнтары
Камэнтароў да гэтага артыкулу няма











