Старшыню Саюзу пісьменьнікаў Алеся Пашкевіча і навукоўца Алега Лойку звольнілі з працы
23.02.2005.
Учора позна ўвечары стала вядома пра звальненьне з працы выкладчыкаў філялягічнага факультэта Белдзяржуніверсітэта Алеся Пашкевіча, які зьяўляецца старшынёй Саюза пісьменьнікаў Беларусі, і навукоўца Алега Лойкі, былога дэкана філфаку, члена-карэспандэнта НАН Беларусі.Спадар Лойка працаваў у філфаку на паўстаўкі. Алесь Пашкевіч выкладаў на філялягічным факультэце беларускую літаратуру.
Пра факт звальненьня “Радыё Свабода” паведаміў сам Алесь Пашкевіч, паводле якога прычына звальненьня – подпісы абодвух выкладчыкаў пад Зваротам да беларускага народа, апублікаваным ў “Народнай волі” у мінулую суботу, у якім дэкляруецца стварэньне новага грамадзкага руху “Воля народу”.
Афіцыйнага пацьвярджэньня гэтай інфармацыі пакуль няма.
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
