На гарадзенскіх заяўнікаў сустрэчы з Мілінкевічам аказваецца ціск

17.04.2008. Тэгі: Мілінкевіч, заявы, пікет, дазвол, сустрэча.

У суботу 19 красавіка ў Гародні павінна адбыцца сустрэча выбаршчыкаў з Аляксандрам Мілінкевічам.

Гарадзкія ўлады не далі дазволу на сустрэчу грамадзкасьці ў Палацы тэкстыльшчыкаў. Гарадзенскі праваабаронца Уладзімір Хільмановіч паведаміў, што прадстаўнікі міліцыі актыўна шукаюць і тэлефануюць пяці заяўнікам сустрэчы. У ліку іх сябра рады гарадзкой арганізацыі Партыі БНФ Максім Губарэвіч. Яму патэлефанаваў маёр Ленец з аддзелу аховы правапарадку і прапанаваў сустрэцца для размовы. На гэта Максім Губарэвіч адказаў, што ён можа з’явіцца ў міліцыю згодна з устаноўленым законам парадкам.