18 лютага адміністрацыйная камісія Рагачоўскага райвыканкаму, якую ачольвае кіраўніца спраў выканкаму Валянціна Зайцава, аштрафавала на 120 тысячаў рублёў дэпутата мясцовага раённага Савету, сябра АГП Дзьмітрыя Шкулькова.

2005 2005-02-21T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Пра гэта паведаміла Радыё Свабода. Дэпутата абвінавацілі ў незаконным вырабе ўлётак пра рэформу жыльлёва-камунальнай гаспадаркі.

Пратакол на дэпутата Шкулькова паступіў зь міліцыі Чыгуначнага раёну Гомеля. 4 лютага гомельскія міліцыянты і супрацоўнікі ДАІ перапынілі таксоўку, у якой дэпутат Шкулькоў ехаў на вакзал, і ўчынілі ператрус ягоных рэчаў. У кайстры дэпутата міліцыянты знайшлі ўлёткі ініцыятывы “Партнэрства” пра рэформу беларускай жыльлёва-камунальнай гаспадаркі.

Быў складзены пратакол пра распаўсюд улётак, зьмест якіх нібыта скіраваны на нанясеньне ўрону дзяржаўнаму і грамадзкаму парадку. Калі на адміністрацыйнай камісіі дэпутат Шкулькоў заявіў, што ён ня мог ў Гомелі распаўсюджваць улёткі, бо ехаў у таксоўцы, камісія аштрафавала яго за незаконны выраб улётак.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international