Прысуд па справе Касі Салаўёвай будзе абвешчаны ў 17-30

08.04.2008. Тэгі: суды, Малады Фронт, крымінальная справа.

Сёньня ў Полацкім гарадзкім судзе разглядаецца крымінальная справа моладзевай актывісткі Кацярыны Салаўёвай, якую абвінавачваюць у дзейнасьці ад імя незарэгістраванай арганізацыі "Малады Фронт".

Судовы працэс праходзіць даволі хутка. Ужо да абеду былі заслуханыя сьведкі, выступы абвінавачанай і адваката. Асноўнымі доказамі віны Касі Салаўёвай зьяўляюцца сканфіскаваныя ў часе ператрусу друкаваныя выданьні, сярод якіх улёткі, газета "Новы час" і бюлетэнь "Права на волю", дыскі, рукапісны дзёньнік. Моладзевая актывсітка празнае факт прыналежнасьці да незарэгістраванай арганізацыі "Малады Фронт", але ня лічыць гэта злачынствам, бо арганізацы будуецца на хрысьціянскіх каштоўнасьцях і не ўяўляе ніякай пагрозы да грамадзтва.

Пракурор Коласава запатрабавала прызначыць Кацярыне Салаўёвай у якасьці пакараньня 200 базавых велічынь штрафу (больш за 3 тысячы даляраў). Вынясеньне прысуду адкладзенае да 17-30.