На Акрэсьціна не бяруць ваду і вопратку

27.03.2008. Тэгі: зьняволеныя, умовы ўтрыманьня.
Крыніца: «Наша Ніва».

Па зьвестках ад сваякоў і сяброў зьняволеных, кіраўніцтва спэцпрыёмніка забараніла перадачу цёплае вопратцы і вады затрыманым, якія зараз знаходзяцца на Акрэсьціна. Дазволена перадаваць толькі ежу і сок. Як кажуць былыя «наведвальнікі» Акрэсьціна, бязь цёплае вопраткі там вельмі цяжка, у некаторых камэрах дужа халодна й дзьме з вокнаў.

У прыёмніку‑разьмеркавальніку, што на вуліцы Акрэсьціна, зараз знаходзіцца 26 чалавек, затрыманых падчас разгону мірнае дэманстрацыі 25‑га сакавіка. Сярод іх — журналіст «Нашай Нівы» Сямён Печанко, якога арыштавалі пры выкананьні прафэсійных абавязкаў.

Таксама на Акрэсьціна адбывае адміністратыўны арышт мастак Аляксей Марачкін, затрыманы напярэдадні сьвята.