У Баранавічах завяршыліся суды над удзельнікамі мірнай акцыі ў Дзень Волі
Учора падчас мірнага ўскладаньня кветак да помніку Крых Пакут у цэнтры Баранавічаў былі затрыманыя мясцовыя прадстаўнікі грамадзкасьці. 14 чалавек былі дастаўленыя ў міліцэйскі пастарунак, 2 непаўнагадовых былі адпушчаныя. Меркавалася, што да суду вызваляць і двух актывістаў з кепскім здароўем - інвалідаў Шчарбакова Алеся і Гоўшу Уладзіміра, аднак міліцыянты пакінулі іх разам з астатнімі ў ізалятары часовага ўтрыманьня. Аднаму з іх, Шчарбакову Алесю, стала вельмі дрэна, была выкліканая хуткая дапамога, якая прыехала толькі праз гадзіну. У выніку актывіста шпіталізавалі. Сёньня прайшлі суды над затрыманымі. Як паведаміў ПЦ "Вясна" мясцовы грамадзкі актывіст і праваабаронца Сяргей Гоўша, удзельнікам учорашняй акцыі вынесеныя наступныя прысуды:
Гоўша Сяргей - штраф 15 б.в. па ч.1 арт. 23.34 КаАП РБ, судзьдзя Петрыў Васіль
Гоўша Уладзімір - штраф 10 б.в., судзьдзя Сарахман
Сырыца Віктар- штраф 15 б.в., судзьдзя Півавар
Болбат Вячаслаў - штраф 7 б.в., судзьдзя Сельмановіч Мікола
Пятровіч Карней - штраф 15 б.в., судзьдзя Півавар
Мязяк Віктар - штраф 15 б.в., судзьдзя Сьнежка Сьвятлана
Краўчэня Алесь - штраф 10 б.в, судзьдзя Півавар
Бегеня Вадзім - непаўнагадовы, справа накіраваная на адміністратыўную камісію
Баруцкі Аляксей - непаўнагадовы, справа накіраваная на адміністратыўную камісію
Маліноўскі Яўген -уніяцкі сьвятар, штраф 5 б.в., судзьдзя Сельмановіч Мікола
Грыцавец Алесь - штраф 10 б.в., судзьдзя Півавар
Слабадзін Аляксандар - штраф 10 б.в., судзьдзя Літвінчык Аксана
Лойка Яўгенія - штраф 10 б.в., судзьдзя Сьнежка Сьвятлана
Шчарбакоў Алесь - шпіталізаваны, суд адбыўся 1 красавіка, штраф - 5 б.в.
