ГУМ патрабуе 28 мільёнаў рублёў з удзельнікаў акцыі прадпрымальнікаў

12.03.2008. Тэгі: акцыі, прадпрымальнікі, зыскі.
Крыніца: «Наша Ніва».

ГУМ выставіў 28-мільённы рахунак удзельнікам прадпрымальніцкай акцыі 10 студзеня, паведаміў моладзевы актывіст АГП Міхаіл Пашкевіч. «Цікава, што матэрыяльных прэтэнзій з удзельнікаў акцыі ня мае ні мэтро, ні кнігарня «Цэнтральная», ні кінатэатар «Цэнтральны», ні «Макдональдз», ні хуткая дапамога, ні гандлёвы цэнтар «Сталіца», толькі ГУМ. Яны гэта зводзяць да таго, што маніфэстанты сарвалі працу магазіну, і зрабілі шкоду памерам 28 мільёнаў рублёў», – кажа М.Пашкевіч.

Пашкевіч таксама паведаміў, што ў матэрыялах КДБ, якія яны прадставілі міліцыі, фігуруе не 14, а 27 актыўных удзельнікаў вулічнай акцыі. Такім чынам, колькасьць фігурантаў крымінальнай справы можа павялічацца.