Мінюст лічыць, што перашкодамі пры рэгістрацыі грамадзкіх аб'яднаньняў зьяўляюцца некампетэнтнасьць іх арганізатараў і недакладнае складаньне рэгістрацыйных дакументаў

2005 2005-02-04T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Летась па рашэньні судоў было ліквідавана 38 грамадзкіх аб'яднаньняў – пра гэта ў інтэрвію газэце “Рэспубліка” паведаміў начальнік упраўленьня грамадзкіх аб'яднаньняў Міністэрства юстыцыі Алег Сьліжэўскі.

Чыноўнік міністэрства заявіў, што летась было зарэгістравана 155 новых грамадзкіх арганізацыяў. Ён адхіліў абвінавачваньне ў тым, што мінюст наўмысна не рэгіструе новыя грамадзкія арганізацыі. Паводле Сьліжэўскага, галоўнымі перашкодамі пры рэгістрацыі грамадзкіх аб'яднаньняў зьяўляюцца некампэтэнтнасьць іх арганізатараў і недакладнае складаньне рэгістрацыйных дакумэнтаў.

Алег Сьліжэўскі ў інтэрвію “Рэспубліцы” таксама распавёў, што міністэрства “фактычна выступіла ў ролі арбітра” ва ўнутрыпартыйным канфлікце ў Беларускай сацыял-дэмакратычнай партыі (Народная Грамада). Паводле Сьліжэўскага, адзін з бакоў канфлікту зьвярнуўся да міністэрства, і мінюст зрабіў заключэньне аб правамернасьці выключэньня з партыі яе лідэра Міколы Статкевіча.

Адмовы ў рэгістрацыі шэрагу пярвічных арганізацыяў незалежных прафсаюзаў сталіся падставай для скаргаў гэтых прафсаюзаў у Міжнародную арганізацыю працы.

Начальнік упраўленьня грамадзкіх арганізацыяў мінюсту сьцьвярджае, што лідэры незалежных прафсаюзаў у гэтым выпадку ня маюць рацыі.

Ён паведаміў, што “вывучэньне выпадкаў адмовы ў рэгістрацыі арганізацыйных структураў незалежных прафсаюзаў, якія трапілі ў скаргу, што разглядаецца зараз Міжнароднай арганізацыяй працы, сьведчыць пра тое, што адмовы ў рэгістрацыі нават не былі абскарджаныя ў судовым парадку”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international