Шчукін таксама ў сьпісе невыязных

2008 2008-03-06T14:32:00+0200 1970-01-01T03:00:00+0300 be

Яшчэ адзін вядомы апазыцыянэр стаў невыязным. За мяжу ня выпусьцілі былога дэпутата парлямэнту Валера Шчукіна.

«Днямі спрабаваў абсалютна легальна перасячы беларускую мяжу — мяне запрасілі ў Нямеччыну, — расказаў Валер Шчукін “Белорусскому партизану”. — Аднак памежнікі ня выпусьцілі з краіны — сказалі, што маё прозьвішча пазначана ў сьпісе тых, каму забаронена пакідаць межы Беларусі.

Ня ведаю, па якіх прычынах мне забаронена выяжджаць за мяжу. Ніякіх «грахоў» за мной ня лічыцца. Больш за тое, летась у канцы году мне паставілі дазвольны штамп на выезд — калі б былі якія‑небудзь запазычанасьці перад дзяржавай, то гэтага штампа не было б».

Варта адзначыць, што ў Нямеччыну спадар Валер усё ж прыехаў. Цераз Расею.

«Беларускія памежнікі былі, мякка кажучы, надзвычай зьдзіўленыя, калі ўбачылі, як я вяртаюся на радзіму, бо паводле іхніх сьпісаў я застаўся ў Беларусі! — кажа Шчукін. — Аднак не ўпусьціць мяне яны не маглі… Натуральна, я напісаў ліст на імя генэральнага пракурора Беларусі Рыгора Васілевіча з просьбай разабрацца ў сытуацыі й пакараць вінаватых. Чакаю адказу…».

Паводле: «Белорусский партизан»

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international