12 сакавіка ў Мінску павінен адбыцца суд над пенсіянерам Віктарам Ракусевічам, якога абвінавачваюць у пагрозах прэзідэнту.
Абвінавачаны адмаўляе сваю віну, спасылаючыся на невядомага злачынцу і на сваю прыхільнасць да дзеючай улады.
17 лютага ў 18.00, піша “Ежедневник”, Віктар Русакевіч патэлефанаваў са свайго хатняга тэлефона на нумар 102 і стаў нецэнзурнымі словамі выказваць дзяжурнаму аператару сваё негатыўнае меркаванне пра скасаваныя для пенсіянераў ільготы і Аляксандра Лукашэнку, паабяцаўшы нават здзейсніць над прэзідэнтам і яго сям'ёй фізічную расправу.
Тэлефон хутка выявілі, і па адрасе выехала аператыўная група на чале з падпалкоўнікам. Злачынцу затрымалі і змясцілі ў ізалятар часовага ўтрымання. Сам "палітычны тэрарыст", які апынуўся заўзятым прыхільнікам прэзідэнта, сцвярджае, што нічога пра гэты выпадак не памятае. Нібы знаходзіўся ў стане моцнага алкагольнага ап’янення, спаў і быў пабуджаны толькі супрацоўнікамі міліцыі.
