Адміністрацыя Маскоўскіх могілкаў адмовілася выдзеліць месца для пахавання Ірыны Казулінай

2008 2008-02-26T15:30:58+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Палітвязень, экс-кандыдат у прэзідэнты Аляксандр Казулін мае намер звярнуцца да Аляксандра Лукашэнкі з асабістай просьбай аб выдзяленні месца на Маскоўскіх могілках для пахавання жонкі Ірыны Казулінай.

"Цяпер рыхтуюцца мой асабісты зварот і аналагічны зварот да Лукашэнкі ад прадстаўнікоў усіх дэмакратычных сілаў", – сказаў Аляксандр Казулін.

Сваякі Ірыны Казулінай просяць выдзяліць месца для пахавання на Усходніх або Кальварыйскіх могілках.

Раней адміністрацыя Усходніх (Маскоўскіх) могілак Менска адмовіла Аляксандру Казуліну ў падаванні месца, паведамляе БелаПАН.

У гэтай сувязі апазіцыйны палітык заклікаў улады не пагаршаць сітуацыю і даць магчымасць спакойна правесці пахаванні.

«Я звяртаюся да вышэйшага кіраўніцтва з просьбай не напружваць сітуацыю, а даць магчымасць правесці пахаванні спакойна», – заявіў Аляксандр Казулін «Радыё Свабодзе».

«Людзі высокага рангу, на якіх мы выходзілі, спрабавалі нешта зрабіць. Але цяпер мы не можам з імі звязацца», – растлумачыў палітык.

Аляксандр Казулін таксама паведаміў, што ўсе астатнія арганізацыйныя пытанні пахаванняў фактычна вырашаныя.

Нагадаем, Ірына Казуліна сканала ўвечары 23 лютага ад анкалагічнага захворвання. Грамадзянская паніхіда пройдзе ў Чырвоным касцёле з 20.00 26 лютага да 12.00 27 лютага. У гэты ж дзень адбудуцца пахаванні.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international