КДБ зацікавіўся ўдзельнікамі семінара для журналістаў

2005 2005-01-31T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Пасля адукацыйнага семінара для журналістаў, зладжанага ў Магілёве 21-га і 22-га студзеня ГА "Беларуская асацыяцыя журналістаў" і беларускім прадстаўніцтвам Фонду імя Ф. Эберта, яго ўдзельнікамі пачалі цікавіцца супрацоўнікі КДБ.

Як паведамляе прэс-служба БАЖ, 23 студзеня Віталь Ругайны, вучань 11-га класа адной з магілёўскіх школ, быў выкліканы ў дырэктарскі кабінэт. Там да яго звярнуўся "чалавек ў цывільным", які назваўся супрацоўнікам КДБ, але адмовіўся паведаміць сваё прозвішча. Ананім падрабязна распытваў падлетка пра тое, якім чынам ён трапіў на семінар, што там гаварылася, хто вёў трэнінг, якія тэмы выклікалі сярод удзельнікаў дыскусіі і ў якім "ідэалагічным накірунку" ішла размова.

Супрацоўнік КДБ папярэдзіў юнака, які збіраецца стаць журналістам і не ў першы раз бярэ ўдзел у навучальных мерапрыемствах БАЖ, што той "звязаўся з дрэннымі людзьмі". На заўвагу юнака, што і БАЖ, і Фонд Эберта дзейнічаюць у краіне адкрыта і законна, ананімны візіцёр заявіў, што з гэтым будзе хутка "пакончана".

Нагадаем, што ў адукацыйным семінары, які называўся "Прававыя і этычныя аспекты журналісцкай дзейнасці", бралі ўдзел блізу 30-ці чалавек - супрацоўнікаў дзяржаўных і недзяржаўных СМІ, а таксама маладых людзей, якія толькі збіраюцца стаць журналістамі. Семінар рыхтаваўся адкрыта і прайшоў без усялякіх эксцэсаў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international