Палітвязню адмаўляюць у праве пахаваць жонку?

2008 2008-02-25T11:53:18+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Начальнік калоніі "Віцьба-3" Віталь Агністыкаў раніцай 25 лютага адмовіўся размаўляць з журналістамі, але паведаміў праваабаронцу Паўлу Левінаву, што рыхтуе адмову Аляксандру Казуліну на выезд на пахаванне жонкі, якая сканала 23 лютага.

Як паведаміў журналістам П.Левінаў, адмову ў падаванні А.Казуліну магчымасці кароткачасовага выезду за межы выпраўленчай установы В.Агністыкаў матывуе тым, што за час знаходжання ў калоніі Казулін меў 4 дысцыплінарныя спагнанні і з улікам асобы зняволенага не ўяўляецца магчымым адпусціць яго на пахаванне жонкі.

Павал Левінаў пацікавіўся, ці можна чакаць іншага рашэння ад непасрэднага начальства В.Агністыкава ў Менску. На гэта начальнік калоніі заявіў, што рашэнне прымае асабіста ён, але ў выпадку іншага рашэння, першапачатковае будзе скасаванае.

У сярэдзіне дня журналісты і П.Левінаў маюць намер яшчэ раз паспрабаваць сустрэцца з начальнікам калоніі, каб даведацца, ці не змянілася прынятае ім рашэнне.

Нагадаем, што Аляксандр Казулін абвясціў пра тое, што мае намер пачаць сухую галадоўку ў выпадку, калі яго не выпусцяць на пахаванне жонкі. «І тады праз 5-6 дзён вы пахаваеце нас разам», – заявіў палітвязень.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international