МНС забараніла прымаць ў гарадзенскім офісе АГП больш за 15 чалавек.

2008 2008-02-11T14:55:50+0200 1970-01-01T03:00:00+0300 be

У гэтым памяшканьні ладзіліся апроч партыйных мерапрыемстваў канцэрты і культурніцкія імпрэзы.

Кіраўнік Гарадзенскай абласной арганізацыі АГП заявіў, што ва ўправе МНС яму ўручылі пастанову «пра прыпыненьне (забарону) працы арганізацыі». Пастановай загадана спыніць «правядзеньне на офісе АГП па адрасе Горадня, вул. Будзёнага, 48а‑100 мерапрыемстваў з масавым знаходжаньнем людзей».

«Фактычна, пастанова уводзіць простую забарону на дзейнасьць арганізацыі, бо забараняе знаходжаньне ў грамадзкай прыёмнай больш за 15 чалавек адначасова. У нас жа на мерапрыемствах зьбіраюцца ад 50 і больш людзей. Цяпер правесьці нават агульны сход Гарадзенскай гарадзкой арганізацыі — праблема», — пракамэнтаваў сытуацыю кіраўнік Гарадзенскай абласной арганізацыі АГП Юры Істомін.

Паводле ягоных слоў, у гарадзенскім офісе праводзяцца ня толькі партыйныя мерапрыемствы.

«Арганізатарамі ёсьць і грамадзкія арганізацыі, і палітычныя партыі, і польская супольнасьць. Зразумела, што закрыцьцё офісу выгаднае ўладам. Бо правядзеньне таго ці іншага мерапрыемства не залежыць ад рашэньня мясцовай улады», — прыводзіць прэсавая служба АГП заяву Юрыя Істоміна.

Прадстаўнік абласнога аддзяленьня АГП паведаміў, што атрыманая пастанова стала вынікам візыту супрацоўнікаў міліцыі разам з адказнымі асобамі гарадзенскага МНС 2-га лютага. У той дзень у грамадзкай прыёмнай праходзіў канцэрт, прысьвечаны 170‑годзьдзю нараджэньня Кастуся Каліноўскага. Тады на імпрэзу сабралося больш за 100 чалавек.

«Дзіўна толькі, што падчас мінулых праверак супрацоўнікамі МНС ніякіх прэтэнзій не ўзьнікала. Яны зьявіліся толькі пасьля таго, як мерапрыемствы, якія праводзяцца ў партыйнай грамадзкай прыёмнай, сталі папулярнымі й на іх прыходзіць сотні людзей», — падкрэсьліў Юры Істомін.

Паводле Telegraf.by

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international