Вярніце Зьмітру Жалезьнічэнку магчымасьць вучыцца! Заява Партыі БНФ

2008 2008-02-09T11:59:59+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Суд Савецкага раёну г.Гомеля ў межах грамадзянскай справы аб незаконнасьці прызыву Зьмітра Жалезьнічэнкі яшчэ 01.02.2008 г. вынес вызначэньне аб прыпыненьні яго прызыву ў войска.

Гэтае вызначэньне суду павінна выконвацца адразу і абскарджаньню не падлягае. Дакумэнты суду яшчэ на пачатку тыдня былі прадстаўленыя ў ваенкамат, які ажыцьцявіў прызыў у войска Зьмітра Жалезьнічэнкі. На жаль, у гэты момант ваенкамат, спасылаючыся на працэдурныя недасканаласьці, сабатуе выкананьне судовага вызначэньня.

Такім чынам вось ужо амаль тыдзень Зьміцер Жалезьнічэнка незаконна знаходзіцца ў вайсковай частцы.

Партыя БНФ у цэлым вітае вызначэньне суду і выказвае асьцярожны спадзеў, што суд аб’ектыўна і ўсебакова разгледзіць справу і абароніць правы і законныя інтарэсы Зьмітра Жалезьнічэнкі. Мы лічым, што Зьміцер павінен працягваць сваю вучобу, а беларускае войска ня мусіць выкарыстоўвацца для палітычнага ціску на моладзевых актывістаў.

Партыя БНФ заклікае ўпаўнаважаныя органы Міністэрства абароны Рэспублікі Беларусь тэрмінова выканаць вызначэньне суду і вызваліць Зьмітра Жалезьнічэнку ад праходжаньня тэрміновай вайсковай службы ў межах выкананьня вызначэньня суду Савецкага раёну г. Гомеля.

Лявон Баршчэўскі, Старшыня Партыі БНФ

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international