Вярхоўны суд пакінуў у сіле папярэджаньне КХП БНФ

2008 2008-02-06T16:21:00+0200 1970-01-01T03:00:00+0300 be

Сёньня судзьдзя Вярхоўнага суду Беларусі Валер Самалюк вынес рашэньне паводле пазову Кансэрватыўна-хрысьціянскай партыі да Міністэрства юстыцыі.

Папярэджаньне, зробленае партыі міністэрствам, застаецца ў сіле.

6 сьнежня 2007 года Міністэрства юстыцыі вынесла КХП БНФ пісьмовае папярэджаньне за распаўсюд звароту да службовых асобаў, выканкамаў, установаў адукацыі, органаў юстыцыі, пракуратуры ды іншых “Асыміляцыя — злачынства супраць чалавецтва”. Міністэрства юстыцыі палічыла, што ў лісьце ўтрымліваецца “тэндэнцыйная інфармацыя ў дачыненьні да палітыкі Расейскай Фэдэрацыі, грубыя паклёпніцкія выпады ў дачыненьні да нацыянальнай палітыкі Расейскай Фэдэрацыі, народу Расеі і яго гісторыі”.

“Над намі павесілі “дамоклаў меч”

Прадстаўнікі КХП БНФ Сяргей Папкоў, Валер Буйвал ды іншыя прасілі правесьці лінгвістычную экспэртызу звароту. Яны спрабавалі пераканаць суд, што ў тэксьце няма суб’екту абразы, паклёпу, што ніхто зь нібыта пакрыўджаных “грамадзянаў Расейскай Фэдэрацыі” не зьвяртаўся з абурэньнямі.

Прадстаўнік Міністэрства юстыцыі, начальнік аддзелу грамадзянскіх аб’яднаньняў спадар Печкуроў так і не назваў абражаны суб’ект і не ўдакладніў, хто канкрэтна абураўся, чые нацыянальныя пачуцьці былі закранутыя.

Але абскардзіць пісьмовае папярэджаньне Мін’юсту да КХП БНФ не ўдалося.

Выканаўчы сакратар КХП БНФ Валер Буйвал распавёў:

“Над намі павесілі “дамоклаў меч”, каб мы ня рыпаліся. Мы ж сур'ёзныя людзі, палітычная арганізацыя з 20-гадовай гісторыяй, мы па-філязофску ставімся да гэтага. Мы будзем дзейнічаць у адпаведнасьці са сваім статутам і сваёй праграмай, як гэта мы рабілі і раней”.

Нагадаем, што пасьля двух папярэджаньняў афіцыйныя ўлады могуць распачаць працэдуру ліквідацыі партыі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international