Студэнтаў Магілёўскага дзяржаўнага педагагічнага універсітэта, якія вывучаюць прадмет "дзяржаўная ідэалогія", абавязваюць падпісацца на шэраг дзяржаўных газет.

Пра гэта паведаміла Служба маніторынга ГА "Беларуская асацыяцыя журналістаў".
Пачынаючы з гэтай сесіі, студэнты гуманітарных факультэтаў павінныя з'яўляцца на залікі і іспыты па згаданай дысцыпліне з квітанцыяй, якая пацвярджала б факт падпіскі. Па інфармацыі службы маніторынга ГА "Беларуская асацыяцыя журналістаў" па Магілёўскай вобласці, існуе вуснае распараджэнне адміністрацыі педуніверсітэта на гэты конт. Будучыя выкладчыкі гісторыі і грамадазнаўства павінныя будуць падпісацца на "Советскую Белоруссию" і "Магілёўсія ведамасці" - друкаваны орган аблвыканкама.