Брытанскія журналісты і пісьменьнікі патрабуюць вызваленьня Бандажэўскага
24.01.2005.
Пра гэта паведаміла Радыё Свабода. Больш за 300 сябраў камітэту па абароне правоў зьняволеных пісьменьнікаў ангельскага бюро ПЭН-клюбу падпісалі пэтыцыю да Аляксандра Лукашэнкі з просьбай датэрмінова вызваліць са зьняволеньня былога рэктара Гомельскага дзяржаўнага мэдінстытуту Юрыя Бандажэўскага.У чэрвені 2001 году навуковец быў асуджаны на 8 гадоў пазбаўленьня волі. Потым на падставе законаў аб амністыі тэрмін пакараньня яму скарацілі на два гады. Аднак у апошні час стан здароўя Бандажэўскага значна пагоршыўся.
Юры Бандажэўскі ёсьць ганаровым сябрам ангельскага бюро ПЭН-клюбу. Аўтары звароту заклікаюць Аляксандра Лукашэнку "зрабіць усё магчымае" для вызваленьня беларускага прафэсара "з гуманістычных меркаваньняў".
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
