Амэрыканская газэта “International Herald Tribune” разглядае выпадкі рэлігійнага перасьледу ў Беларусі. Газэта называе “драконаўскім” новы беларускі закон аб свабодзе веравызнаньняў. Раней прадстаўніца амэрыканскай праваабарончай арганізацыі “Freedom House” ужо назвала гэты закон найбольш рэпрэсіўным у Эўропе (паводле Радыё “Свабода”)

2002 2002-11-26T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

На думку аглядальнікаў “International Herald Tribune”, асноўная мэта новага беларускага закону аб веравызнаньнях – “падрэзаць крылы” канкурэнтам расейскай праваслаўнай царквы, якая ёсьць аднам з падмуркаў аўтарытарнай улады Аляксандра Лукашэнкі. Газэта адзначае, што нават да таго, як новы закон уступіў у сілу 16 лістапада, прадстаўнікі многіх рэлігійных меншасьцяў у Беларусі траплялі пад рэпрэсіі. У прыватнасьці, узгадваюцца арышты беларускіх індуістаў, разбурэньне ў жніўні будынку Беларускай аўтакефальнай праваслаўнай царквы, абмежаваньні на дзейнасьць шэрагу пратэстанцкіх цэркваў.

Газэта цытуе Фэлікса Корлі, рэдактара службы навінаў лёнданскага інстытуту Кестан, які займаецца пытаньнямі рэлігійнай свабоды ў сьвеце. Ён кажа, што ў Беларусі “цягам апошніх гадоў дзейнічае сетка абмежаваньняў і кантролю за рэлігійнымі супольнасьцямі”.

“Немагчыма праводзіць мерапрыемствы не ў памяшканьні. Немагчыма пабудаваць царкву без дазволу ўладаў, і немагчыма атрымаць дазвол. Новы закон насамрэч зафіксаваў гэта і прыціснуў усё,” – лічыць Корлі.

Раней дырэктарка цэнтру рэлігійнай свабоды амэрыканскай арганізацыі “Freedom House” Ніна Шэй жорстка скрытыкавала Беларусь за прыняцьце гэтага закону. “Там відавочна найгоршыя ў Эўропе рэлігійныя рэпрэсіі, а цяпер там яшчэ і найбольш рэпрэсіўны ў Эўропе рэлігійны закон,” – працытавала яе кампанія CNSNews.

“Freedom House” зьвярнуўся да адміністрацыі прэзыдэнта ЗША Джорджа Буша з заклікам выступіць у абарону рэлігійнай свабоды ў Беларусі. Аляксей Знаткевіч, Менск

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international