Аляксандра Васільева аштрафавалі на 700 тысяч рублёў

2008 2008-02-01T15:36:28+0200 1970-01-01T03:00:00+0300 be

Сёньня судзьдзя Пінскага гарадзкога суду Тацяна Сьвібовіч аштрафавала актывіста кампаніі “За свабоднае разьвіцьцё прадпрымальніцтва” Аляксандра Васільева на 700 тысяч рублёў. Ён абвінавачаны ў непадпарадкаваньні міліцыі. Пратакол на яго быў складзены 21 студзеня, калі ў Пінску адбыўся стыхійны мітынг прадпрымальнікаў ля будынку гарвыканкаму.


Аляксандар Васільеў паведаміў “Свабодзе”, што суд сёньня разглядаў два міліцэйскія пратаколы. Адзін удалося аспрэчыць. Спадар Васільеў нават без адваката пераканаў суд у супярэчлівасьці сьведчаньняў міліцыянтаў:

“Яны заблыталіся ў сваіх сьведчаньнях. Дагаварыліся да таго, што я нібыта кідаўся на аўтамашыны, якія праяжджалі міма. Поўная лухта! І галоўнае, што мы змусілі міліцыянтаў уласнаручна абазначыць на схеме месца, дзе яны стаялі. Адлегласьць — 90 мэтраў. Суд канстатаваў, што, знаходзячыся ў аўтамашыне, нельга на такой адлегласьці пачуць, што чалавек брыдкасловіць”.

Аляксандар Васільеў лічыць, што сёньняшні суд спыніў у Пінску арышты апазыцыі па надуманых абвінавачаньнях:

“Нават тое, што мы адбіліся ад аднаго пратаколу, — спрыяльны прэцэдэнт. Ім ёсьць над чым задумацца. Варыянты бяздумнага абвінавачваньня не праходзяць. У прынцыпе, я задаволены вынікам”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international