Ігара Банцара выклікаюць у міліцыю ў якасьці сьведкі

2008 2008-01-28T09:00:20+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

27 студзеня супрацоўнікі міліцыі Ленінскага раёну Горадні прынеслі позву галоўнаму рэдактару часопіса “Magazyn Polski na uchodzstwie” Ігару Банцару. Журналіста не было ў хаце, таму распісацца за атрыманне дакумента вымушана была маці, якая адчыніла дзверы міліцыянтам.

У позве маёр міліцыі Пётр Ленец прапануе Ігару Банцару з’явіцца 28 студзеня ў Ленінскі РАУС Горадні дзеля тлумачэнняў ў якасці сведкі. Прычым, у позве не гаворыцца, па якой дакладна справе выклікаецца журналіст, паведамляе “Радыё Рацыя”.

Ігар Банцар лічыць, што позва ў міліцыю – вынік яго актыўнай прафесійнай дзейнасці і не выключае свайго арышту ў бліжэйшыя дні.

- Гэта традыцыйны метад працы супрацоўнікаў праваахоўных органаў Горадні. Спачатку табе прысылаюць позву з’явіцца ў якасці сведкі, а потым прад’яўляюць абвінавачанне ў дробным хуліганстве.

На мітынгу пратэсту прадпрымальнікаў, які адбыўся ў Горадні 21 студзеня, намеснік начальніка Ленінскага РАУС маёр міліцыі Аляксандр Хілько спрабаваў перашкодзіць Ігару Банцару выконваць свае прафесійныя абавязкі, але людзі патрабавалі пакінуць журналіста ў спакоі. На неадэкватныя паводзіны міліцыянта звярнуў увагу нават старшыня Гродзенскага гарвыканкама Аляксандр Антоненка, які загадаў Аляксандру Хілько супакоіцца і не дыскрэдытаваць праваахоўныя органы перад жыхарамі горада.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international