Сацыял-дэмакраты Нямеччыны пратэстуюць з нагоды прысуду Марынічу

2005 2005-01-17T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Кіроўная ў нямецкім Бундэстагу сацыял-дэмакратычная фракцыя выказала рашучы пратэст у зьвязку з прысудам Міхаілу Марынічу і перасьледам беларускай апазыцыі. Нямецкія палітыкі ня маюць сумневу ў палітычнай матываванасьці падобных прысудаў, паколькі былы амбасадар Марыніч зьяўляецца рэальным палітычным канкурэнтам Лукашэнку.

Як вынікае з заявы нямецкіх сацыял-дэмакратаў, палітычная эліта Нямеччыны занепакоеная тым, што аднаго зь лідэраў апазыцыі пазбавілі волі тэрмінам на пяць год. Паводле нямецкіх палітыкаў, рашэньне Менскага суду ёсьць выключна палітычным крокам, які зроблены з мэтай далейшага падаўленьня і перасьледу дэмакратычных сілаў у Беларусі.

“І абвінавачаньне, і прысуд Марынічу ёсьць гратэскнымі і ня утрымліваюць ніякіх фактычных падставаў”, – перакананыя сябры Бундэстагу.– “Паколькі абвінавачаньне ў захоўваньні зброі не пацьвердзілася ў зьвязку з адсутнасьцю доказаў, то крытыка Лукашэнкі асудзілі за крадзеж кампутараў”.

Нямецкія палітыкі выказваюць спадзяваньні, што менскі суд усё ж станоўча разгледзіць апэляцыйныя скаргі. “На вызваленьні Міхаіла Марыніча трэба настойваць, як і увогуле пратэставаць супраць перасьледу апанэнтаў беларускага рэжыму”, – заяўляюць сябры Бундэстагу ў сваім пратэсьце і працягваюць: “мы салідарныя з Марынічам і будзем надалей падтрымліваць дэмакратычную апазыцыю ў гэтае краіне”.

“Мы патрабуем ад беларускіх уладаў зрабіць усё, што ад іх залежыць, каб тэрмінова вызваліць Міхаіла Марыніча” – заяўляюць нямецкія сацыял-дэмакраты.
Радыё Свабода

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international